Jólagáva: – Bárður Jógvansson Hansen til NSÍ
24-ára gamli landsliðsleikarin Bárður Jógvansson Hansen hevur í dag skrivað undir 2-ára avtalu við NSÍ.
Bárður er fastur maður á A-landsliðnum, og hevur longu drúgvar royndir í bestu deildini í Føroyum. Eisini hevur hann roynt seg uttanlands, so talan er um ein sera góðan styrk fyri NSÍ-hópin.
Anders Gerber, høvuðsvenjari, er sum vera man sera fegin um at fáa Bárð í hópin:
– Bárður Hansen er en kvalitetsspiller som forstærker vores trup. Han har stor fart, 1:1 styrke, gode indlæg og masser af power. Med Bárður i truppen får vi den konkurrence på de defensive positioner som ønsket og tilmed stor fleksibilitet til fællesskabets bedste.
Gerber sigur at enda, at hann gleðir seg til at síggja Bárður saman við restini av hópinum til venjing 9. januar við Løkin í Runavík.
Sjálvur er Bárður spentur uppá avbjóðingina í Runavík:
– Tá vit nú hava valt at flyta heim aftur, so er tað av týdningi, at eg sum leikari havi besta møguleika at mennast í tí felagi, har eg spæli. Eg havi størstu virðing fyri Víkingi og felagið er mær kært, men í núverandi løtu havi eg brúk fyri einum ítróttarligum ‘kick’, og meti eg, at tað kann NSÍ geva mær. Samstundis vóni eg, at eg eisini kann vera við til at styrkja eitt sera gott og spennandi NSÍ-lið enn meira.
NSÍ hevur nú 23 yrkissáttmálar, og Bárður væntar sær nógv av hópinum:
– NSÍ hevur ein dugnaligan og spennandi hóp, og tískil eru vónirnar fyri góðum úrslitum sera góðar. Eg ivist onga løtu í, at NSÍ kann verða við í stríðnum um FM í komandi ári.
Bárður endar við at siga, at hann sær fram til eina spennandi og gevandi tíð í NSÍ.
Vit ynskja hervið Bárði hjartaliga vælkomnum til NSÍ, og vit gleða okkum at síggja hann í gulum við Løkin.
