Bassafótbóltur.

0

Nú byrjar Bassafótbóltur kring landið

Komandi mánaðin verður skipað fyri fótbóltskappingum fyri U7 og U9 kring landið. Tað eru FSF og Betri, sum í felag skipa fyri kappingunum.

Talan er um “túnabólt”, har ein fyribilsvøllur verður settur upp á staðnum, har kappingin er. Kappingarnar eru í Miðvági, Klaksvík, Saltangará, Tórshavn, á Sandi og á Tvøroyri. Fyrsta er í Miðvági nú mánadagin 27. mai.

Tað er ókeypis at luttaka, men tilmelding krevst. Melda til á www.atgongumerki.fo/fsf.

Bassi verður á staðnum við onkrum góðum til børnini, og vinningur verður latin vinnandi liðunum í hvørjum øki.

Eisini sleppa vinnarar at luttaka í finalutiltaki á Tórsvølli í sambandi við steypfinalurnar 21. septembur 2019.

Share.

Skriv et svar