Unglingarnir tryggan sigur í Havn: HB-NSÍ 1-3

0


Unglingarnir spældu í dag landskappingardyst móti HB í Havn.

Endaliga úrslitið gjørdist 3-1 til NSÍ.

Manningin var nakað tann sama, sum vann á TB í fyrstu deild í gjár. Men tað sást ikki á teimum.

NSÍ legði betri út, men sum fyrri hálvleikur leið, kom HB meiri inn í dystin. Tað eydnaðist eisini HB at fáa eitt brotsspark. Tíbetur bjargaði Kristian meistarliga skotinum, og móti endanum av fyrra hálvleiki legði Árni Frederiksberg okkum á odda 1-0.

Eini 20 minuttir inn í seinna hálvleik økti Per Langgaard um leiðsluna, tá hann høvdaði bóltin í málið við handaru stong eftir frísparksinnlegg úr høgru síðu.

HB vann sær síðan enn eitt brotsspark, sum teir megnaðu at fáa í málið.

NSÍ sat tó tungt á dystinum, og beint áðrenn dystarlok skoraði Jákup Davidsen til endaligu støðuna 3-1 til NSÍ.

Niðanfyri eru myndir, sum Birita Hansen tók.

Share.

Skriv et svar