KEND ANDLIT AT VENJA UNGDÓMIN

KEND ANDLIT AT VENJA UNGDÓMIN

NSÍ hevur sett 2 venjarar til ungdómsliðini fyri dreingir, sonevndu U18 og U21. Talan er um ávikavist Steffan Løkin og Jann Martin Mortensen.

Jann Martin kemur samstundis eisini at hava ábyrgd av okkara 3. liðið, sum í ár kemur at spæla í 2. deild.

NSÍ hevur eisini sett ein hjálparvenjara til 1. deild, og tað verður aftur í ár Oddur Højgaard.Vit kenna øll teirra dygdir og royndir sum leikarar fyri besta mansliðið hjá NSÍ, og nú koma teir at brúka hesar royndirnar at venja og menna okkara ungu leikarar.

Jann Martin hevur venjaraprógv, og hevur eisini í nøkur ár havt ein venjaraleiklut í felagnum, bæði hjá ungdómsliðum og vaksnum liðum. Oddur gjøgnumførdi nýggja venjaraskeiðið “Leikaraleiðin” í fjør, samstundis sum hann var hjálparvenjari hjá okkara 1. deild og venjari hjá felagsliðnum NSÍ/Skála í U17. Steffan tók í fjør ábyrgdina av U15 liðnum fyri dreingir, tá ið kappingin var komin í helvt. Í ár fer hann so at hava ábyrgdina av U18.

Vit í felagnum gleðast um at fáa tílíkar nærlagdar og dugnaligar venjarar at taka sær av menningini og trivnaðinum hjá okkara ungu leikarum. Tykkum verður ynskt alt tað besta í tykkara leikluti sum venjarar í felagnum.

SAMAN STANDA VIT STERK!