NSÍ SKRIVAÐ UNDIR VIÐ JÓEL TRÓNDARGJÓGV

NSÍ hevur skrivað undir ein trý ára sáttmála við unga lokala leikaran Jóel Tróndargjógv

NSÍ hevur skrivað undir ein trý ára sáttmála við unga lokala leikaran Jóel Tróndargjógv. Hann hevur harvið sáttmála við NSÍ til og við 2029.

17 ára gamli verjuleikarin verður mettur sum eitt av mest spennandi ungu talentunum í felagnum, og hevur hann longu víst síni evnir við góðum avrikum seinastu árini. Jóel hevur verið fastur maður á næstbesta liðnum hjá NSÍ, har hann støðugt hevur ment seg bæði tekniskt og kroppsliga.

Jóel er ein fjølbroyttur verjuleikari, ið er tekniskt sera væl fyri . Hann er hávaksin, sterkur og hevur eitt framúr gott vinstrabein. Við sínum dygdum bæði við og uttan bóltin hevur hann allar fortreytir fyri einari spennandi framtíð, og felagið er sera spent upp á tað, sum framtíðin kann bera við sær hjá unga verjuleikaranum.

Umframt síni góðu avrik á menningarliðnum, hevur Jóel eisini verið fastur partur av føroysku ungdómslandsliðunum upp gjøgnum árini, har hann hevur umboðað Føroyar við stórum áræði og dugnaskapi.

Tróndargjógv er alt annað enn eitt ókent eftirnavn í fótbóltshøpi, tí Jóel er sonur legenduna hjá NSÍ, Einar Tróndargjógv, sum í nógv ár hevur havt eitt heilt serligt pláss í hjørtunum hjá NSÍ-fjepparum. Tí kennist tað eisini heilt serligt at síggja næsta ættarliðið halda fram við sterka sambandinum við felagið.

Vit í NSÍ eru sera errin av, at Jóel hevur valt at halda fram í sínum barndómsfelagi, og øll í og rundan um felagið fegnast um nýggja sáttmálan.

Felagið ynskir Jóel hjartaliga tillukku við nýggja sáttmálanum og alt tað besta í framtíðini.

Saman standa vit sterk!

1.12.25

NSÍ SETT HØVUÐSVENJARA

NSÍ kann nú kunngera, at felagið hevur gjørt ein eitt ára sáttmála við íslendska Sigurður Ragnar Eyjólfsson, eisini kallaður Siggi Raggi. Hann kemur at hava høvuðsábyrgdina av Betri monnum hjá NSÍ.

20.11.25

PRZYBYLSKI HELDUR FRAM Í NSÍ

Vit í NSÍ eru sera fegin um at kunngera, at 27 ára gamli Michal Przybylski hevur longt sáttmálan við felagið við tveimum árum, so at hann framhaldandi kemur at bera tí gulu blusuna til og við 2027

7.11.25

Rúni Rasmussen heldur fram

Sáttmálin er fyri kappingarárið 2026

31.10.25

VILJORMUR KEMUR HEIM

34 ára gamli Viljormur Davidsen, ið er uppvaksin í felagnum, verður aftur at síggja í gulu blusuni komandi trý árini.

31.10.25

Góðar tíðir fyri framman !

Árið er komið at enda, og sigast skal, at tað hevur verið eitt ár, har vit kendu tiltikna NSÍ-andan við Løkin aftur. Klárt tað mest ágangandi spælið í landinum, har setningurin “At vit trýsta alla mótstøðu út á Toftavatn” er galdandi.

17.10.25

Klæmint Andrasson Olsen gulur í 2026

35 ára gamli rituvíkingurin byrjaði sum 7 ára gamal at spæla fótbólt við Løkin. Hann hevur síðani umboðað felagið øll árini, undantikið 2023, tá hann umboðaði Breiðablik í bestu íslendsku deildini

4.10.25

Seyðaseðilin trektur

Vinnararnir av Seyðaseðilinum 2025 funnir

1.10.25

Minningarorð um Helga Olsen

“Tað hjarta, sum Gud tók til sín, slær víðari í minnum okkara.”

12.9.25

Vespan - Durita Joensen

Tá eg vaks upp á Glyvrum var eingin gentufótbóltur, og kanska var tað tí, at fótbóltur og NSÍ ikki var so frammarlaga í mínum hugaheimi sum barn og ung. Men hetta broyttist, tá eg gjørdist mamma og fekk ein son, Kristian, sum var áhugaður í og tíðliga byrjaði at spæla fótbólt.