12/2/2026

Aðalfundur 2026

Í kvøld, hósdagin 12. februar, varð aðalfundurin hjá NSÍ hildin.

Aðalfundur 2026

‍

Í kvøld, hósdagin 12. februar, varð aðalfundurin hjá NSÍ hildin.

Tóri Højgaard varð valdur til fundarstjóra, og Jóna Kristiansen til skrivara.

Skráin var sambært viðtøkum felagsins.

Formansfrágreiðing

Karstin Joensen legði fram formansfrágreiðingina og greiddi frá gongdini í felagnum. Hann vísti m.a. á frálíka ítróttarliga úrslitið hjá bæði kvinnunum og monnunum í heimligu kappingini 2025, at kvinnurnar skrivaðu søgu, við at tær fyri fyrstu ferð tóku lut í evropeiskum fótbólti, um týdningin av ungdómsarbeiðinum, ið er grundvøllur felagsins og framtíðarmenningararbeiðinum av okkara ungu leikarum.

Formaðurin takkaði øllum stuðlum fyri teirra íkast og eldsálum fyri alt tað sjálvbodna arbeiðið, ið tey dagliga gera fyri felagið. Hetta er fortreytin fyri at reka eitt ítróttarfelag.

Ársúrslitið

Ársroknskapurin hjá NSÍ varð lagdur fram. Roknskapurin vísti eitt jaligt úrslit.

Høvuðsorsøkin til hetta jaliga úrslitið, var at tiltøkini, sum felagið hevur fyriskipað og luttikið í, enn einaferð hava skapt fíggjarligan vinning. Samstundis hevur evropeisk luttøka eisini eina ávirkan.

Roknskapurin varð einmælt góðkendur.

Sitandi nevnd:

Karstin Joensen, formaður

Høgni Lamhauge, næstformaður

Herbjørg H. Jøkladal,kassameistari

Annika Klein, skrivari

Jóhannes Nielsen, nevndarlimur

Oddfríður Gaardbo,tiltakslimur

Wenzel Olsen, tiltakslimur

Høgni Lamhauge og Annika Klein stóðu fyri vali, umframt tiltakslimirnir Oddfríður Gaardbo og Wenzel Olsen.  

Annika Klein boðaði frá, at hon tók við afturvali, meðan Høgni Lamhauge hevði boðað frá, at hann ikki tók við afturvali.

Sámal Vidal Samuelsen varð skotin upp sum valevni og valdur.

Formaðurin handaði fráfarandi næstformanni eitt heiðurstekin fyri trúfast íkast sum stuðul og starvsnevndarlim.

Heiðurstekinið hevði Jón Ingi Tausen serframleitt til høvi, eftir ynski frá starvsnevndini.

Nýggja nevndinskipaði seg soleiðis:

Formađur: Karstin Joensen

Næstforkvinna: Herbjørg Jøkladal

Peningarøkil: Jóhannes Nielsen

Skrivari: Annika Klein

Nevndarlimur:Sámal Jóhan Vidal Samuelsen

Tiltakslimur:Wenzel Olsen

Tiltakslimur:Oddfríđur Gaardbo

‍

SAMAN STANDA VIT STERK

‍

No items found.
12.9.25

John Andersen - Vespureiðrið

Enn tann dag í dag, spyrja fólk á gøtuni meg “ vart tú ikki annar av vertunum í Vespureiðrinum.” Og øll fáa sama svar, “ Jú, men eg eri ikki tann snedigi, hann eitur Jonhard”.
12.9.25

Steypið nærkast

Fyri bert tveimum árum síðani hendi tað ótonkiliga, at vit fóru heilt niður í næstbestu deildina at venda eftir nærum 20 ár í toppinum. Tað var sera tungt, men eisini ein partur av søguni, sum onkurvegna følist at hava styrkt okkum sum felag. Tí longu árið eftir vóru vit aftur í Evuropa. Tað, sum ein ikki doyr av, ger ein sterkari!
4.8.25

Nýggjur NSÍ sangur

Tað er ongin ivi, hvør syngur. Tað er ongin ivi, hvat liðið er. Tað er ongin ivi, hvørji mál skulu røkkast. Nýggi NSÍ sangurin situr vakurt í eini listaligari samkoming, nú liðið við Løkin aftur roynir at skriva fótbóltssøgu.“Tær eg fjeppist uppi í. Tú ert mítt hjarta allatíð. Tær eg eri býttur í. Tú ert NSÍ.”
29.6.25

’Nei, so vil eg heldur bara vera her í Kollafirði’

Kom at hugsa um Kollafjarðarsangin hjá Jóhan í Kollafirði (Dalsgaard) nú vit práta um at útflyta føroyskar fótbóltsleikarar. Hondbólturin vísur vegin. Har spælir alt landsliðið uttanlands. Ella so gott sum alt liðið. Kann man samanlíkna hondbólt og fótbólt? Bæði ja og nei.
25.6.25

Gulir ella ikki

Í dag taka tey flestu sum givið, at vit eru gul, men soleiðis hevur ikki altíð verið.
24.5.25

Minniligir fótbóltstúrar

NSÍ hevur nærum havt fast pláss í Europa seinastu nógvu árini. Tó hevur verið soltið síðani 2021, tá seinasti dysturin varð spældur móti finska felagnum FC Honka. Fyrri dysturin á útivølli endaði 0-0, og tí vóru góðar vónir um at spæla seg víðari í Conference League. Men heimadysturin gjørdist eitt vónbrot og endaði 1-3 til FC Honka.
9.5.25

VESPAN - Tann guli liturin!

So er dystur aftur við Løkin í dag. Betrideildin hjá monnum hjá NSÍ og KÍ møtast og lagt er upp til ein branddyst. Vælkomnir allir Kí-fjepparar – vælkomnir út til Løkin.
8.5.25

Betri Deildin Menn (NSÍ - KÍ)

Nú fríggjakvøldið kl. 20:00 tekur Betri menn hjá NSÍ ímóti KÍ við Løkin. Bæði liðini hava vunnið allar sínar átta dystir í landskappingini, so talan er ein TOPP dyst. Uttan iva ársins dyst inntil víðari.
22.4.25

Vinnarin av málninginum er funnin

Lutaseðilin, sum eisini var atgongumerkið til stóru listaframsýningina við Løkin, er trektur.