Pól hevur játtað seg til at vera hjálparvenjara hjá NSÍ kappingarárið 2026.
Pól hevur játtað seg til at vera hjálparvenjara hjá NSÍ kappingarárið 2026.
Pól er alt annað enn eitt ókent navn her um leiðir. Fryntligi vágbingurin leikti við NSÍ í 2002, 2006 og 2007. Hann átti ein stóran leiklut í, at NSÍ vann FM í 2007. Tilsamans hevur Pól spælt 67 dystir fyri NSÍ.
Í 2023 tók Pól við sum høvuðsvenjari hjá FC Suðuroy, tá ið felagið byrjaði heilt av nýggjum í 2. deild. Hetta árið vann FC Suðuroy deildina og flutti harvið upp í 1. deild. Her gekk eitt sindur betur enn flest væntaðu, tí tá kappingarárið 2024 var lokið, lá FC Suðuroy á einum 2. plássið og flutti harvið beinleiðis upp í Betri deildina. Júst lokna kappingarár í Betri deildini var sera spennandi fyri Pól og FC Suðuroy, men liðið megnaði akkurát ikki at bjarga sær luttøku í Betri deildini í kappingarárinum 2026.
Pól hevur nú valt at koma norðureftir at royna seg, og vit í NSÍ ynskja honum hjartaliga vælkomnan í felagið aftur. Hesuferð sum partur av venjaratoyminum.
Saman standa vit sterk!
