NSÍ og Ragnar Steinhólm hava í kvøld skrivað undir ein 2-ára sáttmála. Ragnar er ein av teimum ungu evnaríku leikarunum, ið er uppaldur við Løkin.
Nú kappingin nærkast verður síðsta hond løgd á hópin hjá NSÍ. Tað hevur stóran týdning fyri felagið, at hópurin er ein góð blanding av royndum og ungum leikarum. Hetta hevur nevndin lagt dent á.
18 ára gamli Ragnar hevur spælt 10 dystir við besta mansliðnum hjá NSÍ, og hartil hevur hann í vaksnamannafótbólti umboðað næstbesta liðið og U21-liðið hjá NSÍ. Hetta er blivið til íalt 67 dystir og 16 mál.
Í ár fara vit uttan iva at síggja Ragnar fyri fyrstu ferð í Betri-deildini, nú felagið er aftur at finna millum tey bestu. Hetta gleða vit okkum til.
Saman standa vit sterk!
.png)
